Анкарада Манастын эстелиги ачылат. Жапаров менен Эрдоган телефондон сүйлөштү

© Пресс-служба президента КР / Султан ДосалиевКыргызстандын президенти Садыр Жапаров менен Түркиянын башчысы Режеп Тайип Эрдоган менен жолугушуу учурунда. Архив
Кыргызстандын президенти Садыр Жапаров менен Түркиянын башчысы Режеп Тайип Эрдоган менен жолугушуу учурунда. Архив - Sputnik Кыргызстан, 1920, 30.08.2021
Жазылуу
Мамлекет башчылары саясий, маданий-гуманитардык жана эки тарапты кызыктырган багыттар боюнча кызматташууну талкуулашты.

БИШКЕК, 30-авг. — Sputnik. Анкара шаарында Манастын эстелигинин ачылышы болот. Бул тууралуу президент Садыр Жапаров менен Түркиянын башчысы Режеп Тайип Эрдогандын телефон аркылуу сүйлөшүүсүнөн кийин белгилүү болду.

Президенттин маалымат кызматынын билдирүүсүнө ылайык, мамлекет башчылары саясий, маданий-гуманитардык, эки тарапты кызыктырган багыттар боюнча кызматташууну талкуулашкан.

"Садыр Жапаров Режеп Тайип Эрдогандын Кыргызстан менен Түркиянын ортосундагы стратегиялык кызматташтыкты өнүктүрүүгө, өлкөлөр ортосундагы мамилелерди бекемдөөгө кошкон зор салымын жогору баалады. Ошондой эле Анкара шаарында Кыргыз Республикасынын көз карандысыздыгынын 30 жылдыгына карата эртең ачыла турган Манастын эстелиги үчүн ыраазычылыгын билдирди. Президенттин айтымында, бул окуя Кыргызстан үчүн чоң символикалык мааниге ээ", — деп жазылат маалыматта.

Ошондой эле Эрдоган Жапаровду Кыргызстандын көз карандысыздыгынын 30 жылдык мааракеси менен куттуктаса, Жапаров түрк эли 30-августта белгилеген Жеңиш күнүнө карата куттуктоо сөздөрүн айткан.

Андан сырткары, президенттер кыргыз-тажик чек ара тилкесиндеги окуялар учурунда Баткен облусунда жабыркаган үйлөрдү калыбына келтирүү жөнүндө да сөз кылган.

Жаңылыктар түрмөгү
0