БИШКЕК, 11-авг. — Sputnik. Япониянын Докке жана Джичи университетинин окумуштуулары вакцина алгандан кийин антителонун концентрациясына таасир эте турган факторлорду аныктады. Бул туурасында РИА Новости medRxiv порталына таянуу менен жазды.
Изилдөөнүн авторлору Pfizer вакцинасынын эки компонентин алгандан үч ай өткөндөн кийин коронавирустан коргоочу антителону өлчөө үчүн 378 медицина кызматкеринен (255 аял, 123 эркек) кан алган. Анализин текшерүүдө адамдын оорусу, жаш курагы жана жаман адаттары эске алынган.
Андан соң чылым чеккендер менен чекпегендердин антителосун салыштырып көрүшкөн. Натыйжада аял-эркек экенине карабай тамеки чеккендердин канындагы антителонун концентрациясы нормадан 140-250гө төмөн болгон. Мындан башка факторлорго адамдын жаш курагы кирген, анда улгайгандардын антителосунун деңгээли эң төмөн болгон.
Иммунологдордун айтымында, чылым чегүүдөн баш тартуу вакцинанын эффективдүүлүгүн арттырат жана иммунитетти чыңдайт.
