Россиянын Тажикстандагы аскер базасы жаңы курал жана техника менен толукталды

© Sputnik / Алексей Паньшин / Медиабанкка өтүүКалашников АК-12 автоматы. Архив
Калашников АК-12 автоматы. Архив - Sputnik Кыргызстан, 1920, 10.08.2021
Жазылуу
Аскер кызматкерлери Афганистандагы абал курчуп турган тушта жаңы согуштук куралдар менен күчтөндүрүлдү.

Бишкек, 10-авг. — Sputnik. Жаңы согуштук курал-жарак жана техника Тажикстандагы 201-россиялык аскер базасына берилди. Бул тууралуу Борбордук аскердик округдун маалымат кызматы билдиргенин Sputnik Тажикстан жазды.

Аскер базасы жаңыланган Калашников АК-12 автоматтары, Ярыгин тапанчалары менен толукталды. Ал Макаров тапанчасынын ордуна пайдаланылат.

Мындан сырткары, аскер кызматкерлери АСВК-М үлгүсүндөгү ири калибрдеги снайпердик мылтыктарды, алыска жетүүчү огнемет жана жылып жүрүүчү "Верба" зениттик-ракеталык системаларын алышты.

Аскерлер Өзбек-тажик машыгуу учурнда - Sputnik Кыргызстан, 1920, 05.08.2021
Афганистанга жакын аймакта Тажикстан, Россия, Өзбекстандын машыгуусу башталды
Заманбап курал-жарак Харб-Майдон полигонунда 5-10-август күндөрү өткөн масштабдуу машыгууларда сыноодон өткөрүлгөн. Иш-чарага Россия, Тажикстан жана Өзбекстандан эки миңден ашуун аскер кызматкери катышты. Алар жөө аскерлердин "Шмель" реактивдүү огнеметун, Су-25 штурмовиктерин, Ми-24 жана Ми-8 тик учактарын пайдаланышкан.

Эске салсак, Афганистанда өкмөттүк аскерлер менен тыюу салынган "Талибан" кыймылынын согушкерлеринин ортосунда тирешүү уланып жатат. Машыгуу учурунда аскер кызматкерлери кошуна мамлекеттерге "бастырып кирген" террорчуларга карата көрүлүүчү комплекстүү аракеттерди жасоого көнүктү.

Жаңылыктар түрмөгү
0