Чек арада курман болгон дагы бир спецназдын сөөгү эртең Аксыда жерге берилет

© Фото / предоставлено родственниками Нурсултана Манасбека уулу Баткендеги кыргыз-тажик чек ара жаңжалында курман болгон 29 жаштагы офицер Нурсултан Манасбек уулу
 Баткендеги кыргыз-тажик чек ара жаңжалында курман болгон 29 жаштагы офицер Нурсултан Манасбек уулу - Sputnik Кыргызстан, 1920, 30.04.2021
Жазылуу
Капитан Нурсултан Манасбек уулу бир жылдан бери Баткендеги чек ара кызматында атайын даярдыктагы бөлүмдүн командири болуп иштеп жаткан.
БИШКЕК, 30-апр. — Sputnik. Баткендеги кыргыз-тажик чек ара жаңжалында курман болгон 29 жаштагы офицер Нурсултан Манасбек уулунун сөөгү эртең кичи мекени Аксыда жерге берилет. Бул тууралуу Sputnik Кыргызстанга маркумдун жакыны билдирди.
© Фото / предоставлено родственниками Нурсултана Манасбека уулу29-летний офицер Нурсултан Манасбек уулу, погибший на границе
29-летний офицер Нурсултан Манасбек уулу, погибший на границе - Sputnik Кыргызстан, 1920, 16.12.2021
29-летний офицер Нурсултан Манасбек уулу, погибший на границе
Анын айтымында, офицер Нурсултан Манасбек уулу 1992-жылы Аксы районуна караштуу Авлетим айыл өкмөтүнүн Дейрес айылында туулган. Бишкектеги аскердик окуу жайды бүтүргөн.
"Көп жылдан бери Чек ара кызматында иштесе, Баткенде бир жылдан бери кызмат өтөп, атайын даярдыктагы "Бөрү" тобунда командир эле. Үйлөнө элек болчу", — деди ал.
Капитан Нурсултан Манасбек уулунун сөөгү эртең, өзү туулуп-өскөн Дейрес айылында жерге берилет.
Президент Садыр Жапаров. Архив - Sputnik Кыргызстан, 1920, 30.04.2021
Садыр Жапаров менен Эмомали Рахмон телефон аркылуу сүйлөштү
Эске салсак, Баткендеги кыргыз-тажик чек арасындагы жаңжалда УКМКга караган Чек ара кызматынын атайын даярдыктагы "Бөрү" тобунун үч аскери курман болгон. Алардын бири Эсентур Кубанычбек уулунун сөөгү кичи мекени Ат-Башы районунун Ак-Муз айылына бүгүн жөнөтүлгөн.

Баткендеги чек ара жаңжалы

Баткенде 28-апрель күнү кечинде чыккан чыр түнү менен күчөп отуруп, эртеси да уланган. Эки тарап бири-бирине ок атып чатак ырбаган. Жаңжалдын кесепетинен Кыргызстанда каза болгондордун саны 31ге жетти. Атышуудан 154 киши жабыркаган.
Учурда аймакта кырдаал кандай болуп жатканын Sputnik Кыргызстан агенттигинин тексттик трансляциясынан көрө аласыздар.
Жаңылыктар түрмөгү
0