Бишкекте тротуарда турган велосипедченди автоунаа коюп кетти. Окуянын видеосу

© Sputnik / Александр КряжевВелосипедчи жол ортосунда. Архив
Велосипедчи жол ортосунда. Архив - Sputnik Кыргызстан, 1920, 20.04.2021
Жазылуу
Yandex newsTelegram
Видеодон көрүнүп тургандай, жөө адамдар өтчү чийинден өтүп барып тротуарга токтогон велосипедченди жолдон чыгып кеткен минивен артынан сүздү.
БИШКЕК, 20-апр. — Sputnik. Бишкекте велосипедчен адамды тротуарда турган жеринен жеңил автоунаа сүзүп кетти. Бул тууралуу Sputnik редакциясына кырсыкка күбө болгон адам кабарлап, видеокөзөмөлгө тартылып калган кадрларды жиберди.
Күбөнүн айтымында, окуя кечээ, 19-апрелде, Түштүк магистралда болгон.
Видеодон көрүнүп тургандай, жөө адамдар өтчү чийинден өтүп барып тротуарга токтогон велосипедченди жолдон чыгып кеткен минивен артынан сүзөт.
Кайгуул милициясынын маалыматы боюнча, окуя 19-апрель күнү саат 16:55тер чамасында болгон. Анда Токомбаев көчөсү менен чыгыш тарапка бараткан Honda Odyssey үлгүсүндөгү автоунаа Токтоналиев көчөсүнүн кесилишинен Mercedes-Benz машинасы менен кагышкан. Андан кийин Токомбаев көчөсү менен батышты көздөй бараткан велосипедченди сүзгөн. Азыркы учурда эки унаа тең убактылуу айып короо жайына токтотулду. Жол кырсыгынын келип чыгуу себеби такталууда.
Жаңылыктар түрмөгү
0