Шайлоо менен референдумду өткөрүүдөгү кемчиликтерге даттана аласыз. Телефондору

© AFP / ULISES RUIZКолл-центр ишкери жумуш учурунда. Архив
Колл-центр ишкери жумуш учурунда. Архив - Sputnik Кыргызстан, 1920, 09.04.2021
Жазылуу
Телефон чалып, кемчиликтерди айта турган борбор эки күн катары менен эртең мененки саат 07:30дан тартып иштейт.
БИШКЕК, 9-апр. — Sputnik. Жергиликтүү кеңештин депутаттарын шайлоо жана референдум өткөрүү маселеси боюнча өкмөттө 10-11-апрелде call-борбор иш алып барат. Бул туурасында өкмөттүн маалымат кызматынан кабарлашты.
"Жергиликтүү кеңештин депутаттарын шайлоо жана референдум өткөрүү боюнча шайлоо комиссияларына уюштуруу, техникалык маселелерди чечүүгө көмөк көрсөтүү боюнча республикалык штабдын call-борбору эки күн — 10 жана 11-апрелде эртең мененки саат 07:30дан тартып иштейт", — деп айтылган маалыматта.
Белгилей кетсек, Республикалык штабдын милдеттеринин бирине шайлоо комиссияларына уюштуруу, техникалык маселелерди чечүүгө көмөк көрсөтүү, шайлоочуларга санитардык-эпидемиологиялык талаптарды сактоо маселесин түшүндүрүү, шайлоочулардын тизмесин тактоо кирет.
Үн күчөткүчү менен киши. Архив - Sputnik Кыргызстан, 1920, 09.04.2021
Эскертүү! БШК үгүт иштерине аралашкан үй башчылары жазага тартыларын айтты
Сall-борбордун иштөө учурунда ар бир шайлоочу түз байланышка чыгып, электр энергиясынын, интернеттин жоктугу, шайлоо комиссияларынын мүчөлөрү жана байкоочулар тарабынан санитардык нормалардын эрежелери сакталбай жаткандыгы тууралуу жана башка маселелер боюнча (0312) 66-28-46, 66-40-13 (факс), 96-03-38, 96-02-87 телефон номерлери аркылуу кайрыла алышат.
Көрсөтүлгөн номерлерге телефон чалуулар "Кыргыз телеком" ишканасынын Бишкек шаардык телефон тармагынын стационардык телефондорунан бекер, ал эми аймактардан жана уюлдук байланыш операторлорунан бекитилген тарифтерге ылайык акы алынары айтылды.
Жаңылыктар түрмөгү
0