Радиостудия Sputnik Кыргызстан в Бишкеке - Sputnik Кыргызстан
Радио

Осмонов: Свердлов районундагы конуштардын 85%ы жарыктандырылды

© Sputnik / Табылды КадырбековБишкек шаарынын Свердлов районунун акими Мурат Осмонов
Бишкек шаарынын Свердлов районунун акими Мурат Осмонов - Sputnik Кыргызстан
Жазылуу
Бишкек шаарынын Свердлов районунун акими Мурат Осмонов аталган аймакта аткарылган иштер тууралуу айтып берди.
Осмонов: Свердлов районундагы конуштардын 85%ы жарыктандырылды

Биздин аймакта 32 кичи жана чоң базар жайгашкан. Бул объектилердин эсебинен бюджетибиз жакшы эле толукталат. Быйыл карантинден улам чоң суммадагы каражат түшпөй калды. Бирок, кудай жалгап, пандемияга чейин бир топ иштерди аткарганга жетиштик. Бул тууралуу Мурат Осмонов Sputnik Кыргызстан радиосунун эфиринде маек куруп жатып билдирди.

Анын айтымында, план боюнча жылдык бюджетти толтуруу үчүн оперативдүү штаб түзүлгөн.

"Быйыл Муса Жалил көчөсү толук асфальтталды. Эне-Сай жаңы конушундагы Орхон, Гидростроитель, Култегин көчөлөрүн асфальттаганга даярдап жетиштик. Кайыңды-Чалдыбар конушунда бала бакча үчүн имарат курулуп, колдонууга берилди. Андан тышкары, Ак-Батада суу маселеси чечилди. Жарыктандырууга келсек, биздин райондогу конуштардын 85 пайызында иштер аткарылды. 2021-жылы көчөлөрдү жарыктандырууну пландап жатабыз. Ошондой эле Свердлов району шаардын түндүк тарабында жайгашкандыктан суулардын баары агып келип ЧЧКга топтолуп, жерлер саздак келет. Бул маселени чечүү үчүн шаардык кеңештин депутаттары менен сүйлөшүп, ага каражат бөлдүк. Ак-Тилек конушунан Кожзаводго чейин борбордук түтүк орнотулду. Ал барып Аул көчөсүндөгү андан да чоң түйүнгө кошулду. Эми ЧЧКнын ылдый жагындагы тургундар жаңы түтүккө кошула алат. Бакай-Ата конушунда да канализацияны оңдоп баштаганбыз. Ал жердеги иш кийинки жылы да уланат. Ошону менен бирге Буденый көчөсүнөн Лермонтовго чейин чоң түтүк орнотулат. Бул иштерди жаздын келиши менен баштайбыз", — деди Осмонов.

Аким Аламүдүн районундагы Учкун жана Дордойдогу Кайыңды-Чалдыбар конушу толугу менен газдаштырылганын айтып, бул абанын булгануусун чечүүчү негизги ыкма экенин кошумчалады.

Жаңылыктар түрмөгү
0