БИШКЕК, 6-дек. — Sputnik. Бишкектеги "Манас" аэропортунун аймыгына коюу туман түшкөндүктөн, каттамдар кармалып убактысы жылдырылып жатат. Бул тууралуу мекеменин маалымат кызматынан билдиришти.
"Учак абага көтөрүлүшү үчүн бери дегенде 360 метр аралык көрүнүп турушу керек, ал эми азыр коюу тумандан 175 метр араң көрүнүүдө", — деп айтылат билдирүүдө.
Мындан улам "Аэрофлот" компаниясынын Москва шаарынан келчү AFL1880-каттамы, жана TEZ JET компаниясынын Ош шаарынан келчү TEZ106-каттамы кармалып жатат. Ал эми Бишкектен Pegasus компаниясынын PC702-каттамы Стамбул шаарына уча албай турат.
Аэропорттун маалымат кызматы каттамдар боюнча тактап алыш үчүн (0312) 69-31-09 номерине чалууну сунуштайт.
