Президенттик аппарат орус тилинен расмий макамын алуу сунушу боюнча үн катты

© Sputnik / Табылды КадырбековКыргызстан жана Россиянын желектери. Архив
Кыргызстан жана Россиянын желектери. Архив - Sputnik Кыргызстан
Жазылуу
Конституциялык кеңешмеде Садирдин Төралиев мамлекеттик тилди өнүктүрүү үчүн расмий тилди алып салууну сунуштаган.

БИШКЕК, 26-ноя. — Sputnik. Президенттин маалымат кызматынын жетекчиси Нургазы Анаркулов Конституциялык кеңешмеде орус тилинин расмий макамын алып салуу боюнча айтылган сунуш боюнча комментарий берди.

Кеңешменин жыйынында мүчөлөрдүн бири Садирдин Төралиев мамлекеттик тилди өнүктүрүү үчүн Конституциядан расмий тилди алып салууну сунуштаган.

"Бул тек гана Садирдин Төралиевдин көз карашы. Конституциялык кеңешменин мүчөлөрү ар тараптан чогулган, ар кандай пикирлер айтылып жатат. Бул бир адамдын гана ою, жыйынтыгында баары бир пикирге келет деп ишенебиз. Президенттик аппаратта орус тилинин расмий макамын алып салуу идеясы каралган эмес", — деди Анаркулов.

Учурда Кыргызстанда кыргыз тили — мамлекеттик, орус тили — расмий тил макамына ээ.

Жаңылыктар түрмөгү
0