БИШКЕК, 2-ноя. — Sputnik. 2020-жылдын октябрь айында Кыргызстанда сезилээрлик 19 жер титирөө болду. Бул тууралуу Сейсмология институтунун сайтында жазылган.
Жер титирөөлөрдүн көпчүлүгү айдын экинчи жарымында катталган. 9-октябрда эле 3,5 баллдан 4,5 баллга чейинки табигый үч көрүнүш катталган.
Эң күчтүү жер титирөө 6-октябрда болуп, күчү 5 баллга жетти. Бир ай ичинде каза тапкандар жана кыйроолор катталган жок.
