БИШКЕК, 16-авг. — Sputnik. Smart TV заманбап сыналгылары үйдүн ичинде болуп жаткан окуялардын баарын аудио жана видео түрүндө жазып турушу толук мүмкүн. Бул туурасында РИА Новости "Цифровые платформы" автономдук коммерциялык эмес уюмунун башкы директору Арсений Шелциндин "Прайм" агенттигине берген маегине таянып жазды.
Анын айтымында, мындай мүмкүнчүлүккө кол жаңсоо жана үн менен башкарыла турган, тагыраак айтканда, тиркемелерди жандыруу, башка каналга которуу, өчүрүп-күйгүзүү, үнүн акырындатып-жогорулатылган акылдуу телевизорлор эгедер.
Жарнаманын жаман жагы. Немец окумуштууларынын жаңы иликтөөсү
"Үн жазылган файлдар добуш менен башкаруу функцияларын жакшыртуу үчүн телевизор чыгарган компаниянын серверине жөнөтүлүшү ыктымал. Ошол эле учурда америкалык укук коргоочулардын маалыматы боюнча, кайсы бир өлкөлөрдүн атайын кызматтары дүйнө жүзүндөгү адамдарга көз салып туруу үчүн акылдуу телевизордун программасын колдонот", — деп айткан эксперт.
Ошондой эле ал үн жаздыруу бардык эле заманбап акылдуу телевизорлордо болорун кошумчалаган.
