Жарнаманын жаман жагы. Немец окумуштууларынын жаңы иликтөөсү

© Sputnik / Виталий Безруких / Медиабанкка өтүү31 мая - Международный день борьбы с курением
31 мая - Международный день борьбы с курением - Sputnik Кыргызстан
Жазылуу
Балдардын чылым чегүүсүн изилдөөгө Германиянын алты федералдык аймагынан курагы 13 жашты түзгөн жети миңге чукул окуучу катышкан.

БИШКЕК, 19-июл. — Sputnik. Тамекинин жарнамасы балдарда жана жеткинчектерде чылым чегүүгө болгон кызыгууну жаратуучу негизги факторлордун бири. Бул тууралуу РИА Новости немец эксперти, Кил шаарындагы Саламаттыкты сактоо чөйрөсүндөгү изилдөөлөр жана терапевттик изилдөөлөр (IFT-NORD) институтунун жетекчиси Райнер Хакевинкелге таянып билдирди.

"Алгач чылым чегүүдө социалдык чөйрө жана жарнама менен болгон байланыш баланын инсандык касиетине таасирин берет. Жеткинчектердин жана балдардын тамеки тартуусу жалпысынан комплекстүү факторлордон улам келип чыккан", — деди эксперт.

Июлдун башында Бундестаг (Германиянын бир мандаттуу элдик өкүлчүлүгү) тамекинин жарнамалоо эрежелерин кыйындаткан. Ага кошумча 18 жашка чейинки көрүүчүлөр кирүүчү кино сеанстарда чылымды жарнамалоого тыюу салынган.

Салыктан качкан ишканалардын ЖМКга жарнама беришине тыюу салуу сунушталды

"Бул маселе менен биз көптөн бери алектенип келе жатабыз жана миңдеген балдардын катышуусунда изилдөөлөрдү да жүргүздүк. Методика боюнча, биз жарнамаларды, көчө жарнактарын сүрөткө тартып алып, алардын соода маркасын өчүрүп, балдардан муну мурда-кийин көргөндүгүн жана кайсы маркага таандык экендигин сурайбыз", — деп түшүндүрдү IFT-NORD жетекчиси.

Анын жыйынтыгында, мурда чегип көрбөгөн балдардын көбү чылымдын жарнамасын таанып, анын кайсы маркага тийиштүү экендигин да болжолдошкон.

IFT-NORD маалымдагандай, институт 2010-жылдан бери бир нече изилдөөлөрдү жүргүзүп келет, анын ар бирине 10 жаштан 18 жашка чейинки миңден ашык балдар тартылган.

2018-жылдагы илимий долбоорго Германиянын алты федералдык аймагынан орточо жаш өзгөчөлүгү 13 жашты түзгөн 6902 окуучу тандалып алынган. Аудиториянын чылым рыногундагы товарлар менен электрондук тамекиге кандай мамиле кылары изилдөөнүн предмети болгон. Катышкандардын 40 пайызы электрондук тамекинин рекламасына маани берип, 21,7 пайыз катышуучу аны колдонгон. Ошондой эле окуучулардын 21,8 пайызы кадимки чылымдын даамын татып, 23,2 пайызы кальян жана 12 пайыздан ашык балдар жана жеткинчектер баарын татып көрүшкөндүгү аныкталган.

Коронавирусту бир нерсе ойготту! COVID-19дун чыгышы тууралуу божомол айтылды

"Статистикалык аналитиканын жыйынтыгында, балдардын чылым чегүүсүнө негизинен рекламанын, чөйрөнүн жана адамдын таасири тийгендиги белгилүү болгон. Бул үчөө эң негизги факторлор", — деди Хакевинкель.

Ал эми баланын жынысы, мектептеги жетишкендиктери өңдүү факторлор анын тамеки тартуусунда башкы мааниге ээ эмес.

Жаңылыктар түрмөгү
0