Пандемия башталгандан тартып Россия Кыргызстанга ПЦР-тесттерди, реактивдерди, жеке коргонуу каражаттары менен медициналык жабдууларды берип, ооруга каршы турууга кол кабыш кылып келет. Июлдун башында Россиянын Саламаттык сактоо министрлиги менен Роспотребнадзор (Россиянын Керектөөчүлөрдүн укуктарын коргоо чөйрөсүндөгү көзөмөл боюнча федералдык кызматы) келип кетсе, акыркы жумада медицина кызматкерлерин жиберди.
Россия жиберген меджабдуу, дары-дармек тапшырылды. Видео
Бишкектин четиндеги аскер госпиталында кыргызстандык дарыгерлерге россиялык кесиптештери жардам көрсөтүүдө. Бир жуманын ичинде алар эки бейтапты оор абалдан алып чыгышканын айтышты. Дагы үчөөнүн абалы оор бойдон калууда. Адистер оорулууларды сактап калуу үчүн колунан келгендин баарын жасап жатышат.
Оорукананын жетекчилиги Россиядан келген аскер дарыгерлеринин жардамы абдан тийип жатканын белгиледи. Бейтаптарды сактап калуу үчүн дарыгерлер күтү-түнү иштеп жатышат.
