![Балетмейстер и народный артист СССР Чолпонбек Базарбаев Балетмейстер и народный артист СССР Чолпонбек Базарбаев - Sputnik Кыргызстан](https://sputnik.kg/img/07e4/07/0f/1049023725_0:0:0:0_600x0_80_0_0_0d8d627047ca600b13cf3bd879b8f07a.jpg)
СССРдин эл артисттери, кыргыз балетинин көрүнүктүү өкүлү, балетмейстер Чолпонбек Базарбаев менен балерина Айсулуу Токомбаева жана казакстандык актёр Досхан Жолжаксыновдун сүрөтү 1980-жылы Чүй облусунда тартылган.
Ал жылдары белгилүү режиссёр Дооронбек Садырбаев кыргыздын опера жана балет жылдыздары менен биргеликте фильм-концерт жараткан.
Дүйнө кезген балетмейстер 71 жашка толмок. Чолпонбек Базарбаевдин сүрөттөрү
Ошол кезеңди балерина Айсулуу Токомбаева мындайча эскерет:
"Мен сахнага биринчи жолу 1966-жылы чыгып, акыркы жолу 1995-жылы 48 жашымда сахнада бийледим. Чыгармачылык жолумда Чолпонбек Базарбаев менен бирге канчалаган образдарды жараттык. Эл алдына чыкканда чыгарманы өтөсүнө чыгарып, көрүүчүлөрдүн жүрөгүндө узак убакыт сакталып калуусуна аракет кылчубуз. Мен өзүнүн талыкпас эмгеги, кесипкөйлүгү менен чоң ийгиликтерди багындырган инсандарга таазим кылам жана жаштарды ошого чакырам. Чолпонбек ар дайым Кыргызстандын өнүгүп-өсүүсү жөнүндө кеп кылып, мамлекетибиздин алдыга жылышына болгон күч-аракетин жумшачу", — деп эскерди ал.
Чыгармачылыгында Базарбаев 33 жашында, Токомбаева 34 жашында СССРдин эл артисти болуп, экөөнүн атагы алыска тараган.
12 жашында Ленинградга окуганы кетип... Балетмейстер Мелис Асылбашевдин элесине
Айсулуу Токомбаева 1995-жылдан бери Түркияда "Хажетепе" университетинде хореографиядан сабак берип, жаштарды тарбиялап келет.
Sputnik Кыргызстан агенттиги Балетмейстер Чолпонбек Базарбаев, балерина Айсулуу Токомбаева жөнүндө кызыктуу фактыларды даярдаган.