БИШКЕК, 3-июн. — Sputnik. Октябрь жана Свердлов райондук администрацияларында иштеген кызматкерлерден коронавирус аныкталганын саламаттык сактоо министринин орун басары Нурболот Үсөнбаев брифинг учурунда билдирди.
Анын айтымында, Октябрь акимиатынан коронавирус жуктурган төрт адам катталса, дагы бирөө Свердлов районунан аныкталган.
Учурда Октябрь райадминистрациясынын 100гө жакын кызматкери текшерилип, көзөмөлдө. Бейтаптар стационарда дарыланып, алар менен байланышкандар үй карантинине алынды.
Эске салсак, 26-майда Октябрь райондук администрациясынын кызматкеринен коронавирус табылганы айтылган. Анын эртеси райондун жетекчиси Максим Ситников COVID-19 алардан чыкпагандыгын айткан. https://sputnik.kg/society/20200527/1048449819/bishkek-akimiat-kyzmatker-koronavirus.html Ошондон бери текшерүү иштери уланып жаткан.
