Эми шаардын ичинде ары-бери каттаганда чөнтөккө ким экениңизди билдирген документ, иштеген жана жашаган жерден маалым кат сала жүрүш керек. Патент да ашыктык кылбайт. Иштеген жерден алынган кагазды Салык кызматынан күбөлөндүрүш керек. Ал эми акчаны жеке өзү иштеп тапкандар ишке жетиши үчүн маршруттук баракча түзүп алышы шарт.
Бишкек шаарынын мэри Азиз Суракматов карантин эрежесин бузгандар жазалана турганын жашырган жок. Анын айтымында, бет кап кийбей жүргөндөр бир миң сомдон 5000 сомго чейин айыпка жыгылат.
