Кызыл-Кыяда постто нөөмөттө тургандарга биотуалет коюлуп, бет кап таратылды

© Sputnik / Александр Кряжев / Медиабанкка өтүүДарыгер жаны жасалган медициналык бет каптарды кармап турат. Архив
Дарыгер жаны жасалган медициналык бет каптарды кармап турат. Архив - Sputnik Кыргызстан
Жазылуу
Кызыл-Кыя шаардык мэриясы дарыгер, санитардык-карантиндик посттордо нөөмөттө тургандарды коргоочу кийимдер менен камсыз кылуу үчүн жергиликтүү бюджеттин эсебинен 400 миң сом каражат бөлдү.

БИШКЕК, 25-мар. — Sputnik. Баткендин Кызыл-Кыя шаарында санитардык-карантиндик посттордо нөөмөттө турган кызматкерлер үчүн биотуалеттер сатып алынды. Бул тууралуу өкмөттүн Баткен облусундагы өкүлчүлүгүнүн маалымат катчысы Чолпон Бердигулова билдирди.

Анын айтымында, посттордо турган дарыгер, милиция кызматкерлерине бет кап да таратылган.

"Кызыл-Кыя шаардык мэриясы дарыгер, санитардык-карантиндик посттордо нөөмөттө тургандарды коргоочу кийимдер менен камсыз кылуу үчүн жергиликтүү бюджеттин эсебинен 400 миң сом бөлдү. Мындан тышкары, дезинфекциялоочу каражаттар сатып алынган", — деп айтылат маалыматта.

Шаар мэри Эрмекбай Топчубаев посттордо тургандардын абалынан кабар алып, коргонуучу кийим, каражаттарды тапшырган.

Белгилей кетсек, Кызыл-Кыя шаардык мэриясы келишим түзгөн текстилдик фабрика күнүнө 2000 бет кап даярдап чыгарып жатат.

Жаңылыктар түрмөгү
0