Казакстандын президенти Касым-Жомарт Токаев коронавирустун жайылышына жол бербөө үчүн өлкөдө өзгөчө кырдаал жарыялады. Бүгүн башталган режим бир айга чейин созулат.
Коңшу өлкөдө эмне болуп жатканын Sputnik Кыргызстан агенттиги жүргүзгөн тексттик трансляциядан билсеңиздер болот.
Өзгөчө кырдаал жарыялангандан кийин Алматынын көчөлөрүндө эл кадимкидей азайып, коомдук тамактануу жайларына баргандар тартыла түштү. Бул туурасында Sputnik Казакстан жазды.
Ал эми Токаев бүгүнкү кайрылуусунда Нооруз майрамдалбастыгын айтты.
Театрлар, кинотеатрлар, китепкана, музейлер, мектеп, ЖОЖдор жабылганы менен мамлекеттик кээ бир бала бакчалардын тайпалары иштеп жатат.
12 жаштагы кыз ата-энеси менен Германиядан Алматы шаарына келген. Учактын ичинде экипажды кошкондо 12 киши болгон.
“Кыз учурда Балдардын инфекциялык ооруканасынын атайын бөлүмүндө, абалы канаттандырарлык. Борттогу 12 киши, анын ичинде учкучтар кошо изоляцияда, анализдер алынды”, — деген маалымат айтылды.
Элчиликтин консулдук бөлүмү жарандарды жеке кабыл алууну токтотту. Эгерде кандайдыр бир чукул кырдаал жаралып калса деп байланыш телефондору жарыялады.
Чукул кырдаалдар болуп кетсе, 8 (708) 880-05-31 телефондоруна чалып, нөөмөттөгү дипломат менен байланышууга болору айтылган.
Нур-Султан шаарында доллар сатуу токтотулду. Ал эми Алматы калаасында чет элдик валютаны бир нече гана акча алмаштыруу жайларынан алса болот.
Ал эми саналуу сааттарда эле доллардын наркы 40 теңгеге өсүп кеткендигин Sputnik Казакстан билдирди.
Нур-Султан калаасынын акимчили жергиликтүү уюмдардын кызматкерлерин үйдөн иштөөнү сунуштады. Бул коопсуздук чараларынын бири катарында айтылды.
Тыйын чычкандын элесин берген артобъектиге бет кап кийгизип коюшту. Анда "Birge" деген хэштеги бар жазуу турат.
Маалыматта бул шаардыктарга өздүк гигиенаны сактоону эстен чыгарбоону эскертип турат.
Казакстандагы коронавируска каршы иш алып барган штабдын Алматыдагы өкүлчүлүгү карантинде кармалган адамдар кезигип, байланышта болгон адамдарды жашырып жатканын айтты.
Алматы акимчилиги ооруканага жаткандан баш тартып жана байланышта болгон адамдарды жашыргандар көбөйө баштагандыгын билдирип, алардын жоопкерчилигин эскертти. Бул боюнча мыйзам чегинде чара көрүү каралгандыгын кошумчалашты.
Белгилүү ырчы Димаш Кудайбергендин "Arnau" деп аталган дүйнөлүк турнеси (концерти) кийинкиге жылдырылды.
“Коронавирус инфекциясынан улам Прага, Гамбург, Дюссельдорф, Штутгарт жана Минскиде болуучу концерттер токтотулуп, бир катарлары кийинкиге жылдырылды. Алардын датасы кабыл ала турган тараптар менен сүйлөшкөндөн соң кийинчирээк белгилүү болот”, - деп жазган Димаш Кудайберген Instagram баракчасына.
Аткаруучу “мындай кыйын кырдаалда ден соолукту карап жана коопсуздук чараларын көрүү керектигин” айткан.
Казакстандын Соода министрлигинин сунушу:
Санитардык чараларды күчөтүү менен ири соода жайларынын ишин 10дон 18:00гө чейин чектөө;
Анын аймагындагы кинотеатрлар, балдар борборлору жана көңүл ачуучу жайларды жабуу;
Ал эми азык-түлүк саткан дүкөндөр жана базарлар адаттагы тартипте иштейт, бирок санитардык жана дезинфекциялоо иштерин күчөтүү шарт;
Нан жана кондитердик азыктар ачык эмес, таңгакталып, баштыкка салынып сатылышы зарыл.
Казакстан өкмөтү жыйындарын журналисттерди катыштырбай өткөрө турган болду. Мындай тартип чукул кырдаал режими бүткөнчө уланары айтылды.
Жыйын primeminister.kz жана башка бир катар расмий аккаунттарда онлайн берилип турат дешти.
Буга чейин айтылган тогуз киши бойдон турат. 1 641 адам карантинде, 981 адам үй карантининде.
Ал эми категориялар боюнча мониторингге 2 626 киши алынган. Аларды ичинен 1 "а" категориясы боюнча – 1 689 киши, 1 "б" категориясы боюнча – 586, ал эми 2-категория боюнча 351 киши.
2 626 адамдын ичинен 503 киши мониторингден алынган.
16-мартка карата мониторингге алынгандардын саны 2 123 адам.
Учурда сасык тумоо менен дене табы көтөрүлүп, ооруканага 129 жаран жаткырылган. Алардын ичинен 1 "б" категориясында – 39, 2-категорияда – 43, ал эми 3-категорияда – 47 адам бар экендиги айтылды.
Жаткырылгандардын арасынан 65и үйүнө чыгарылган. Стационарда 73 адам бар. 64үнүн дене табы көтөрүлүп, сасык тумоого кабылган. 9у коронвирус жуктуруп алып жаткырылган.
Чукул кырдаал (ЧК) убактылуу кирген тартип. Ал жарандардын коопсуздугун жана Казакстан Республикасынын констутицяилык түзүмүн сактоо үчүн киргизилет.
ЧК — жарандардын укугу менен эркиндигине кээ бир чеrтөөлөрдү киргизе алган мамлекеттик органдарынын, уюмдардын өзгөчө укуктук тартиби. Аларга кошумча милдеттер жүктөлгөн чет элдиктер же жарандыгы жоктор, аны менен катар эле юридикалык тараптар да кирип калат.
Россия менен чек арада киши киргизилбей турганы маалымдалды. Калктын казак-орус мамлекеттик чек арасындагы каттоосу токтотулду. Бир гана учурда — жарандарга тез жардам керек болгондо өткөрүлө турганы айтылды.
Ушу тапта коронавирус жуктуруп алгандардын жетөө Алматы шаарында болсо, экөө Нур-Султанда. Бейтаптар дарыгерлердин тыкыр көзөмөлүндө экени айтылууда.
Кечээ Кыргызстандын премьер-министри Мухаммедкалый Абылгазиев менен Казакстандын өкмөт башчысы Аскар Мамин телефон аркылуу сүйлөшүп, чек арадан жүк ташуу токтобой турганын айтышкан.
Азыркы тапта коронавирус жуктуруп алгандардын саны аталган өлкөдө 9га жетти. Алардын арасында 12 жаштагы кыз бар.
Казакстандын президенти коронавирустун жайылуусунун алдын алуу үчүн 15-март күнү өзгөчө кырдаал жарыялады. Мында бир катар чектөөлөр киргизилген.
