БИШКЕК, 30-янв. — Sputnik. Таластан табылган бала илбирстин абалы күн сайын жакшырууда. Көрбөй калган көзүнө дары куюлуп жатат. Ветеринарлар жырткычтын көрүүсү калыбына келет деп үмүт артышууда. Бул тууралуу Айлана-чөйрөнү коргоо жана токой чарба агенттигинен билдиришти.
1/3
© Фото / пресс-служба ГАООС и ЛХ
Таластан табылган бала илбирстин абалы күн сайын жакшырууда
2/3
© Фото / пресс-служба ГАООС и ЛХ
Жакында жаныбардын жалпы абалы боюнча дарыгерлердин консилиуму болот
3/3
© Фото / пресс-служба ГАООС и ЛХ
Анын жыйынтыгында, көзүнө операция жасоо же жасабоо, калган окту операция жолу менен алып чыгаруу же чыгарбоо маселеси чечилет.
1/3
© Фото / пресс-служба ГАООС и ЛХ
Таластан табылган бала илбирстин абалы күн сайын жакшырууда
2/3
© Фото / пресс-служба ГАООС и ЛХ
Жакында жаныбардын жалпы абалы боюнча дарыгерлердин консилиуму болот
3/3
© Фото / пресс-служба ГАООС и ЛХ
Анын жыйынтыгында, көзүнө операция жасоо же жасабоо, калган окту операция жолу менен алып чыгаруу же чыгарбоо маселеси чечилет.
Маалыматка караганда, илбирске мээнин кан айлануусун жакшырткан препараттар да берилип жатат. Барстын рационуна суу, уйдун эти, филе жана жумшак сөөктөр кирген.
"Жакында жаныбардын жалпы абалы боюнча дарыгерлердин консилиуму болот. Анын жыйынтыгында, көзүнө операция жасоо же жасабоо, калган окту операция жолу менен алып чыгаруу же чыгарбоо маселеси чечилет", — деп айтылат маалыматта.
Учурда укук коргоочулар барска ок чыгаргандарды издеп жатат.
Эске салсак, бакка чыгып алган жарадар жырткычты 9-январь күнү Таластын тургундары кармап, ветеринарларга өткөрүп беришкен. Эки жашка да чыга элек илбирс Бишкекке алып келинип, операция жасалган. Бир жарым саатка созулган операция учурунда жаныбардын башына 70тей чачма ок тийгени аныкталган. Анын 18ин гана алып чыгышкан, чачма октун баарын чыгарууга такыр мүмкүн болгон эмес.
Ветеринарлар октун калганы зыянсыз болуп этке бүтүп калат же организм акырындап сүрүп чыгарат деген ишенимде. Ошол эле маалда коргошун зыянын тийгизиши мүмкүн деген да божомол бар.
