БИШКЕК, 29-янв. — Sputnik. Жогорку Кеңештин депутаттары биринчи тыныгуудан кийин кайра ордуна келбей, жыйын кечигүү менен башталды. Бул туурасында Sputnik Кыргызстандын кабарчысы билдирди.
Регламент боюнча эл өкүлдөрү 10 мүнөттүк тыныгууга чыгып, кайра саат 11.18де жыйын уланмак. Бирок депутаттар келбей, иш 12 мүнөткө кечигип башталды. Вице-спикер Мирлан Бакиров каттоодон “62 депутат өттү” деп кворум бар экенин айтты. Бирок карай келгенде залдан 10 чакты эле депутат көрүндү. Себеби белгисиз.
Бүгүн парламенттин жалпы жыйынында сегиз маселе каралып жатат.
