БИШКЕК, 25-янв. — Sputnik. Кара-Суу районунун Савай айылында өткөн ири аламан улакта Байыш Ниязов батир менен автоунаа утуп алды. Бул туурасында Sputnik Кыргызстандын кабарчысы жеринен билдирди.
25 Үчтүн айы 2020, 18:17
Ал эми анын бир тууган иниси Манас Ниязов төө, тай, Өзгөн районунун Жалпак-Таш айыл өкмөтүнүн Үч-Каптал айылынын тургуну Жоодар Жолчу уулу лимузин автоунаасына ээ болду.
Бул оюнда байгеге Бишкек шаарынан бир бөлмөлүү батир, бир лимузин жана төрт Mercedes-Benz W124 үлгүсүндөгү автоунаалар коюлган. Мындан сырткары, улакчылар тогуз төө, 20 тай жана башка акчалай сыйлыктарды алышты.
Оюнга Өзбекстандан, Тажикстандан, Казакстандан жана Кыргызстандын чар тарабынан миңден ашуун улакчы келген.
Бүгүнкү аламан улакты Новосибирск облусунда Көк бөрү федерациясынын негиздөөчүсү, жеке ишкер Каныбек Акаев өткөрүүдө. Ал үч уулун сүннөткө отургузуп той берип жатат.
