Режиссердун кол тамгасы үчүн кезек күткөндөр. "Жөө күлүктүн" тушоосу Пусанда кесилди

© Фото / Алтынай КойчумановаПремьера фильма "Жоо кулук" кыргызского режиссера Мирлана Абдыкалыкова в Южной Корее
Премьера фильма Жоо кулук кыргызского режиссера Мирлана Абдыкалыкова в Южной Корее - Sputnik Кыргызстан
Жазылуу
Режиссер "Жөө күлүктө" үй-бүлөнү сактоого жан үрөгөн өспүрүм Жекшендин баяны аркылуу ата-энесиз калып, тагдырдын оор сыноосуна кабылган жаш балдардын көйгөйүн көтөрөт.

БИШКЕК, 9-окт. — Sputnik. Түштүк Кореянын Пусан шаарында өткөн эл аралык кинофестивалда "Жөө күлүк" фильминин дүйнөлүк премьерасы болду. Бул туурасында картинанын продюсери Алтынай Койчуманова билдирди.

© Фото / Алтынай КойчумановаНа Пусанском международном кинофестивале состоялась премьера фильма "Жоо кулук" кыргызского режиссера Мирлана Абдыкалыкова
Түштүк Кореянын Пусан шаарында өткөн эл аралык кинофестивалда Жөө күлүк фильминин дүйнөлүк премьерасы болду - Sputnik Кыргызстан
1/3
Түштүк Кореянын Пусан шаарында өткөн эл аралык кинофестивалда "Жөө күлүк" фильминин дүйнөлүк премьерасы болду
© Фото / Алтынай КойчумановаНа Пусанском международном кинофестивале состоялась премьера фильма "Жоо кулук" кыргызского режиссера Мирлана Абдыкалыкова
Билеттер 7-октябрда эле сатылып кеткен - Sputnik Кыргызстан
2/3
Билеттер 7-октябрда эле сатылып кеткен
© Фото / Алтынай КойчумановаНа Пусанском международном кинофестивале состоялась премьера фильма "Жоо кулук" кыргызского режиссера Мирлана Абдыкалыкова
Эшиктин алдында тасманын режиссеру Мирлан Абдыкалыковдон кол тамга алуу үчүн узун кезек пайда болду. - Sputnik Кыргызстан
3/3
Эшиктин алдында тасманын режиссеру Мирлан Абдыкалыковдон кол тамга алуу үчүн узун кезек пайда болду.
1/3
Түштүк Кореянын Пусан шаарында өткөн эл аралык кинофестивалда "Жөө күлүк" фильминин дүйнөлүк премьерасы болду
2/3
Билеттер 7-октябрда эле сатылып кеткен
3/3
Эшиктин алдында тасманын режиссеру Мирлан Абдыкалыковдон кол тамга алуу үчүн узун кезек пайда болду.

Анын айтымында, билеттер 7-октябрда эле сатылып кеткен. Фильм корей жана англис тилиндеги субтитрлер менен көрөрмандарга тартууланган.

"Фильм көрсөтүлүп жатканда көрүүчүлөр каармандардын тагдырына кызыгып, кошо жашагандай болуп көз салып отурушту. Аягында эл туруп кол чаап, андан соң режиссер менен суроо-жооптор башталды", — деп жазды Койчуманова.

Көрүүчүлөрдү сценарийдин тарыхы, кыргыздын салты, тушоо кесүү, режиссердун актер балдар менен кантип иштегени, жаныбарлардын кантип тартылганы кызыктырган. Кино сүйүүчүлөрдүн көңүлүн өзгөчө балдардын ролду ойногону, алардын ичинен башкы каарман Темирлан Асанкадыровдун чеберчилиги бурган.

"Фильм элге жагып, көкүрөгүндө кандайдыр бир сезимдерди ойготкондуктан, суроолор абдан көп болуп, берилген убакыттан да ашып кетти. Эшиктин алдында тасманын режиссеру Мирлан Абдыкалыковдон кол тамга алуу үчүн узун кезек пайда болду. Алар фильмдин жаратуучусу менен сүрөткө да түшүп жатышты", — деп билдирди продюсер.

Пусандагы эл аралык кинофестивалда "Жөө күлүк" дагы эки ирет көрсөтүлөт. Анын биринде эл аралык деңгээлдеги калыстар отурат. Ал эми бул картина Кыргызстанда прокатка 17-октябрда чыгат.

Режиссер "Жөө күлүктө" үй-бүлөнү сактоого жан үрөгөн өспүрүм Жекшендин баяны аркылуу ата-энесиз калып, тагдырдын оор сыноосуна кабылган жаш балдардын көйгөйүн көтөрөт.

В Кыргызстане сняли фильм о трудной жизни подростка — трейлер - Sputnik Кыргызстан
"Сүтак" менен эл оозуна алынган Мирлан Абдыкалыков жаңы тасма тартты
Кадимки айыл турмушунда Жекшен оор сыноолорду башынан кечирип, чоңдордун маселесин өзү чечүүгө мажбур болот. Ошол эле учурда балалык сезимдерден да кур калбайт. Табиятынан күлүк бала мектептеги жарыштарга, тушоо тойлорго катышып атаандаштарын артта калтырат. Кинокартинада адамдык мамиле, достук, ынактык жана сүйүү темасы чагылдырылат.

Тасманын сценарийин Мирлан Абдыкалыков жана Эрнест Абдыжапаров жазган, коюучу оператору Талант Акынбеков, сүрөтчүсү Адис Сейталиев, продюсерлери Алтынай Койчуманова, Айбек Жангазиев экени айтылат.

Ал эми фильмде Темирлан Асанкадыров, Руслан Орозакунов, Мээрим Атантаева, Илимбек Калмуратов, Улан Өмүралиев, Айнура Качкынбек кызы жана Жеңиш Кангелдиевдер роль жараткан.

Жаңылыктар түрмөгү
0