БИШКЕК, 26-cен. — Sputnik. Экономикалык кылмыштарга каршы кызматынын Аламүдүн жана Ысык-Ата райондук бөлүмдөрү тарабынан өлкө аймагына мыйзамсыз Volvo үлгүсүндөгү оор жүк ташуучу унаанын мыйзамсыз киргизилген фактысы катталды. Бул туурасында Финансы полициясынан кабарлашты.
Аталган факт Кылмыш-жаза кодексинин 223-беренеси менен ("Экономикалык аткезчилик") Кылмыштардын жана жоруктардын бирдиктүү реестрине катталган.
Маалыматка ылайык, унаа өлкө аймагына киргизилген болуп, документтер жасалмаланган. Бирок иш жүзүндө машина болгон эмес. Кылмышты жашыруу үчүн унааны бир нече ирет Мамлекеттик каттоо кызыматынан каттоодон өткөрүшкөн.
Мамлекеттин бюджетине түшпөгөн бажы төлөмдөрү 1 миллион сомду түзгөн.
Учурда соттук иштер жүргүзүлүп жатканы айтылат. Анын алкагында мамлекетке келтирилген чыгым кайтарылып, кылмышка аралашкан адамдар кармалмакчы.
