БИШКЕК, 22 сен — Sputnik. Чүй облусунда 14 жашар кызды өлтүрдү деп шектелген бала кармалды. Бул тууралуу облустук милициядан кабарлашты.
Шектүү
© Фото / пресс-служба ГУВД Чуйской области
Милицияга 22-сентябрда таңкы саат 6:00дө 57 жаштагы аял кайрылып, кызы 20-сентябрда үйүнөн чыгып кеткен боюнча кайтып келе электигин айткан.
Ыкчам иликтөө аракеттеринин негизинде милиционерлер бош турган үйлөрдүн биринен кыздын сөөгүн тапкан. Бул факты Жоруктар жана кылмыштардын бирдиктүү реестрине катталып, Кылмыш-жаза кодексинин 130-беренеси ("Адам өлтүрүү") боюнча сотко чейинки тергөө амалдары башталды.
Изи сууй электе буга чейин соттолгон 20 жаштагы улан шектүү катары кармалды. Алдын ала маалымат боюнча, 20-сентябрда саат болжол менен 21:30дар чамасында шектүү Кеминдин көчөлөрүнөн кызга жолугуп, зордуктоо үчүн бош турган имаратка күч менен сүйрөп келген. Кыз каршылык көрсөтүп кыйкырганда аны сабап өлтүргөн.
Шектүү жигит убактылуу кармоо жайына киргизилди. Учурда бардык соттук-медициналык экспертиза дайындалды.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.
