БИШКЕК, 15-авг. — Sputnik. Мурдагы президент Алмазбек Атамбаевдин баш коргоо чарасын кароо боюнча арызы 16-августта саат 10:00дө Бишкек шаардык сотунда каралат. Бул тууралуу Атамбаевдин кеңешчиси Кундуз Жолдубаева билдирди.
Анын айтымында, сотко Алмазбек Атамбаев да алынып келет.
Белгилей кетсек, Алмазбек Атамбаев 26-августка чейин УКМКнын убактылуу кармоо жайына киргизилген. Мурдагы президентке Башкы прокуратура 5 айып койгон болчу:
- Укук коргоо органдарынын кызматкерлерине карата зомбулук жасоо;
- Башаламандык уюштуруу;
- Адам өлтүрүүнү уюштуруу;
- Адам өлтүрүүгө аракет жасоону уюштуруу;
- Кишилерди барымтага алуу.
Кийин Атамбаевге ТЭЦти модернизациялоо менен "Форум" имаратына байланыштуу дагы эки иш боюнча айып тагылган.
