БИШКЕК, 13-авг. — Sputnik. Бүгүн, 13-августтан тарта, Москва көчөсүнүн Манас менен Жаш гвардия проспектилерине чейинки бөлүгүндө оңдоо иштери башталгандыктан айрым каттамдардын багыты өзгөрдү. Бул тууралуу мэриядан кабарлашты.
Билдирмеге караганда, ремонт иштери 28-августка чейин созулат.
"Автомобилдик транспорт үчүн Киев көчөсүнүн Манас проспектисинен Бейшеналиева көчөсүнө чейинки бөлүгү айдын аягына чейин эки тараптуу болуп өзгөрөт", — деп айтылат маалыматта.
Мындан сырткары, үч троллейбустун каттамы дагы убактылуу алмашты.
Алдын ала маалымат боюнча, №102, №110, №195, №204, №213, №222, №265 №265, №266, №269 жана №295 маршруткалар Чүй проспектиси жана Киев көчөсү менен жүрүшү мүмкүн. Учурда каттамдарды так аныктоо боюнча фирмалар менен сүйлөшүүлөр жүргүзүлүп жатат.
