БИШКЕК, 25-июл. — Sputnik. Бразилиядагы Сан-Паулу университетинин окумуштуулары эртең мененки тамакты ичпегендик өспүрүмдөрдүн толуп кетүүсүнө жана 2-типтеги кант диабети менен жүрөк-кан тамыр ооруларына алып келерин айтышкан. Бул туурасында MedicalXpress сайтында кабарланды.
Эки тарапта жашаган балдардын жашоо образы, спорт менен машыгуусу, кыймылдуу болушу, тамак-ашы жана анын рациону, ооруп калуу тобокелдиги изилденген. Муну менен кошо эле денесинин салмагы, бою менен белинин канча экенин да кошо катташкан.
Окумуштуулар изилдөөгө алынгандардын тамак ичүүсү боюнча маселеге келгенде, нанүштө ичпей койгондордун толуп кетүү ыктымалдыгын баса белгилешкен.
Эртең мененки тамакка табити тартпаган эркек балдардын белин ченей келгенде тамак жебегендерге караганда 2,13-2,61 сантиметрге чоңураак болгондугу аныкталган. Ал эми кыздардыкы 1,97 сантиметрге жоондук кылган. Алардын денесинин салмагы да көбөйгөн.
