Сотко өзү келе алган жок. Аида Салянова тергөө абагында калтырылды

Жазылуу
Салянова кримтөбөл Азиз Батукаевдин Кыргызстандан чыгып кетиши боюнча козголгон кылмыш иштин алкагында №1 тергөө абагына киргизилген.

БИШКЕК, 12-июн. — Sputnik. Мурдагы башкы прокурор Аида Салянова тергөө абагында калтырылды. Бул тууралуу апелляциялык арызы Бишкек шаардык сотунда каралган Салянованын жактоочусу Рабига Сыдыкова билдирди.

Анын айтымында, экс-прокурор ден соолугуна байланыштуу соттук отурумга өзү келе алган жок.

"Биринчи май райондук сотунун чечими күчүндө калтырылды. Ден соолугуна байланыштуу өзү отурумга келе алган жок. Экс-башкы прокурор макамындагы бул адамга СИЗО шартында криминал тарабынан коркунуч жаралары белгилүү. Бул бүгүнкү коомдогу бир гана Саляновага эмес, жалпы аялзатына болгон мамилени көрсөтүп койду. Мындан ары апелляциялык арыз жаза албайбыз. Бирок мыйзам чегинде күрөштү уланта бермекчибиз", — деди Сыдыкова.

Скандал в тюрьме Гуантанамо - Sputnik Кыргызстан
Батукаев "ала жаткан" аткаминерлер. Дарыгерден министрге чейин
Sputnik агенттигинин жеринде иштеп жаткан кабарчысынын билдиргенине караганда, Бишкек шаардык сотунун алдына келген Салянованын тарапташтары мындан ары Жогорку Кеңештин алдына нааразычылык акциясын өткөрүү үчүн барууга кам көрүп жатышат.

Эске салсак, Салянова кримтөбөл Азиз Батукаевдин Кыргызстандан чыгып кетиши боюнча козголгон кылмыш иштин алкагында 3-июнда көрсөтмө берүү үчүн ИИМдин имаратына алынып келип, 4-июндун түнүндө ШИИБдин убактылуу кармоо жайына киргизилген.

Буга чейин Жаза аткаруу мамлекеттик кызматы жактоочу Рабига Сыдыкованын "Салянованын өмүрү коркунучта" деп айткан билдирүүсү жүйөсүз деген маалымат тараткан. Анда Аида Салянова аялдар кармала турчу корпуска жайгаштырылганы, башка кишилер жана атайын контингент тарабынан ага коркутуп-үркүтүү болгону айтылган.

Жаңылыктар түрмөгү
0