07:26 23 Баш оона 2019
Түз эфир
  • USD69.7961
  • EUR77.4597
  • RUB1.0636
Мурдагы башкы прокурор Аида Салянова. Архив

Аида Салянованын өмүрү коркунучтабы? ЖАМКтын жообу

© Sputnik / Табылды Кадырбеков
Коом
Кыскача шилтеме алуу
644 0 0

Убактылуу кармоо жайынын медициналык кызматкерлери тарабынан Саляновага тийиштүү кызматтар көрсөтүлүүдө.

БИШКЕК, 11-июн. — Sputnik. Жаза аткаруу мамлекеттик кызматы камакка алынган мурдагы башкы прокурор Аида Салянованын жактоочусу Рабига Сыдыкованын "Салянованын өмүрү коркунучта" деп айткан билдирүүсү жүйөсүз экенин кабарлады.

Маалыматка ылайык, Салянова коопсуз жайда.

"Айыпталып жаткан Аида Салянова аялдар кармала турчу корпуска жайгаштырылган. Башка кишилер тарабынан жана атайын контингент тарабынан да Саляновага коркутуп-үркүтүү болгон эмес. Өз кезегинде айыпталуучу да СИЗОнун жетекчилигине ден соолугуна жана өмүрүнө коркунуч бар экени тууралуу кайрылган эмес", — деп айтылат маалыматта.

Убактылуу кармоо жайынын медициналык кызматкерлери тарабынан Саляновага тийиштүү кызматтар көрсөтүлүүдө.

ЖАМК тараткан билдирүүдө Саляновага келген адвокаттар, парламент депутаттары, прокуратуранын жана Кыйноолордун алдын алуу боюнча борборунун өкүлдөрү эч тоскоолдуксуз кирип-чыгып жатканы белгиленген.

Эске салсак, Салянова кримтөбөл Азиз Батукаевдин Кыргызстандан чыгып кетиши боюнча козголгон кылмыш иштин алкагында кармалып, Бишкектеги Биринчи Май райондук сотунун чечими менен 26-июнга чейин №1 тергөө абагына камакка алынган.

Тема боюнча

Аида Салянова камакка алынды
Салянованын камалганын уккан эл чуу көтөрүп, милиция менен кагышты. Видео
Белгилер:
билдирүү, ЖАМК, Аида Салянова

ЭҢ МААНИЛҮҮ