БИШКЕК, 7-мар. — Sputnik. АКШнын президенти Дональд Трамп кайрадан социалдык тармактын колдонуучуларынын сынына кабылганын Techcrunch басылмасы жазды.
Трамп бул жолу консультативдик кеңештин кадр саясаты боюнча жолугушуусунда көпчүлүктүн алдында уят болду. Ал сүйлөп жатып, оң тарабында отурган Apple компаниясынын башкы директору Тим Куктун фамилиясын унутуп калып, аны Тим Эппл (Apple) деп алды.
... here's the president of the united states calling tim cook, ceo of apple, "tim apple." pic.twitter.com/RTc45RFm5e
— fake nick ramsey (@nick_ramsey) 6 марта 2019 г.
"Мага Тимге окшогон адамдар жагат. Сен мамлекетке аябай чоң жардам берип жатасың. Тим Эппл, биз муну абдан жогору баалайбыз", — деди ал.
Apple компаниясынын башчысы буга эч нерсе деген эмес.
Социалдык тармактын колдонуучулары ири компанияларды жетектеген кишилердин фамилиясын анын фирмасынын атына алмаштырып, шакаба чегишти.
"Билл менен Майкрософтту алмаштыра көрбө", — деп Curt Schick аттуу колдонуучу жазды.
Американын президенти буга чейин да расмий жолугушууларда ыңгайсыз абалда калган. Ал аялы Мелания менен баласы Бэрронду жамгырга таштап, өзү кеткени үчүн сынга кабылган.
