БИШКЕК, 6-мар. — Sputnik. Дарыгерлер сүттү такай ичип туруу сөөктү бекемдебей турганын аныктады. Бул тууралуу "Известия" жазды.
Маалыматка караганда, аталган азык кандагы холестеринди көбөйтүп, кан тамырларды жабыркатат. Ошондой эле гипертонияга алып келиши мүмкүн.
Адистердин айтымында, сүт балдарга гана пайдалуу. Ал эми 20 жаштан кийин абайлап ичиш керек. Дарыгер-диетолог Георгий Лебеденко сүт азыктарынан толугу менен баш тартуу зарыл эместигин белгиледи.
"Көпкө сакталбаган кычкыл сүт азыктарын (йогурт, быштак, айран) колдонууга болот. Бул азыктар иштетилгендиктен курамында лактоза аз болот дагы зыянсыз келет", — деди адис.
"Адамдын организми уйдун сүтүнө караганда эчкинин сүтүн жакшы сиңирет. Себеби анын курамында А-2 категориясындагы бета-казоморфин бар", — деди Исакова.
Буга чейин Бишкектеги №3 бириккен үй-бүлөлүк дарыгерлер борборунун эне жана баланын ден соолугун коргоо бөлүмүнүн башчысынын орун басары Дилара Искакова сүттүн зыяндуу жактарын айтып берген.
