БИШКЕК, 5-мар. — Sputnik. Катуу шамал болот деген маалымат тараганына байланыштуу Бишкек мэриясы тургундарды жана шаар конокторун сак болууга чакырат.
Муниципалитеттин маалымат кызматы 5-мартка караган түнү катуу шамал боло тургандыгы боюнча ӨКМ тараткан маалыматты эске салды.
Шамалдын ылдамдыгы секундасына 15-20 метрге чейин жетиши мүмкүн.
Мэрия жарандарды этият болууга чакырып, унааларды чоң бактардын алдына калтырбоону сунуштайт. Эгер дарак кулаган болсо, жарандар мэриянын 1850 Call-борборуна же 0709399977 номерине кайрылууга болот.
