ОШ, 2-фев. – Sputnik. Ош облусунун Өзгөн районундагы айылдардын биринде жашаган 14 жаштагы кыз кош бойлуу экени аныкталды. Бул тууралуу облустук милициянын маалымат катчысы Жеңиш Аширбаев билдирди.
Анын айтымында, кыздын кош бойлуу экенин өспүрүмдөр менен иш алып барган милиция кызматкерлери жана аймактык тескөөчүлөр рейд учурунда аныктаган.
"Өспүрүм кыз 7-класстын окуучусу. Ал айылдык орто мектепте билим алып жаткан. Учурда мектепке баруусун токтотуп, кризистик борборлордун биринде психолог адистердин көзөмөлүндө. Кыздын апасы 2013-жылы каза болуп калган. Ал эми атасы экинчи топтогу майып. Психикалык жактан жабыркагандыгы белгилүү болду. Кыздын мектеп жашындагы эки иниси бар", — деди Аширбаев.
Ал ошондой эле кызды зордуктоого шектелип анын атасы кармалып, убактылуу кармоочу жайга киргизилгенин билдирди. Тергөө амалдары уланууда.
