БИШКЕК, 2-фев. — Sputnik. Абдрахманов көчөсүндө 1-февраль күнү жол кырсыгы болуп, окуянын видеосу Bishkeknews баракчасына жарыяланды.
Посмотреть эту публикацию в InstagramДТП — По Советской/напротив остановки ЦУМ Будьте осторожны! #дтп #Бишкек #авария #цум
Жол кыймылы коопсуздугун камсыздоо башкы башкармалыгы кырсык саат 22.30да болгонун ырастады. Маалыматка караганда, Чүй проспектисине жетпей, тагыраагы Абдрахманов көчөсүнүн ылдый жагындагы аялдаманын каршы бетинде Honda Odyssey менен Daewoo Matiz кагышкан.
Алдын ала маалымат боюнча Honda Odyssey Абдрахманов көчөсү менен түндүктү көздөй бара жаткан, бирок айдоочу рулду башкара албай калып каршы тилкеге чыгып кеткен. Натыйжада Daewoo Matiz менен кагышкан.
Daewoo Matiz автосунун айдоочусу ооруканада көз жумса, ичиндеги үч жүргүнчү жаракат алган.
