Миллион долларга берилбеген бир тонналык Барон аргымагы улакта мүрт кетти

© Sputnik / Табылды КадырбековСкакун по кличке "Барон" объездчика Алмаза Колдошева
Скакун по кличке Барон объездчика Алмаза Колдошева - Sputnik Кыргызстан
Жазылуу
Саяпкер Алмаз Колдошев Барон аттуу аргымакты 2012-жылы жаңы асыйында (төрт жаш) Россиянын Омск шаарынан беш миң долларга сатып алган. Аны менен аламан улакка катышып жүрчү.

БИШКЕК, 29-дек. — Sputnik. Кыргызстандагы эң чоң жана эң кымбат делген Барон аргымагы аламан улак учурунда жан берди. Бул маалыматты тулпардын ээси Алмаз Колдошев тастыктады.

Анын айтымында, бүгүн, 29-декабрда, Бишкектин четиндеги Манас айылында аламан улак болуп ага катышып жаткан. Барон буга чейин ооруган эмес. Оюндан соң басып баратканда өзүнөн-өзү жыгылып ошол замат жан берген.

"Мурдагыдай эле аламан улакка чабылып, оюн аяктаган. Саат 15.30дарда басып бара жаткан жеринен эле жыгылып түшүп заматта жан берди. Чогулган элдин баары уу-дуу болуп, ыйлап жиберишти. Бул Азиядагы эң чоң аргымак болчу. Эмне себептен өлгөнүн билбей жатам",  — деди аттын ээси.

Sputnik Кыргызстан агенттиги өткөн жылдын жаз айында Барон аргымагы тууралуу материал даярдаган. Анда салмагы 920 килограмм, бою 187 сантиметрге жетери айтылган. Күнүнө эки таңгак чөп, 20 килограмм жем жечү. Ээси эки маал сегиз килограммдан сулу, эки килограммдан арпа берип, мезгил-мезгили менен эмдетип турчу.  

Бул кино эмес! Тай казанга ыргыган улакты тээп чыгарган аттын видеосу - Sputnik Кыргызстан
Бул кино эмес! Тай казанга ыргыган улакты тээп чыгарган аттын видеосу
"Бул атты алып келгенден тартып эле казак, тажик, ооган жана жергиликтүү улакчылар сатып алууга кызыгып, 50 миңден 300 миң долларга чейин акча сунушташкан. Эки жыл мурун чоң улак болуп, ага келген кытайлыктар бир миллион долларга сурашты. Барон — менин эч нерсе менен баалангыс аргымагым. Андыктан канча акча сунуштабасын, сатпай турганымды айтып, баарын сылык-сыпаа узаткам", — деп айткан Колдошев. 

Саяпкер бул атка ээ болору менен 14 бээ сатып алып үйүргө койгон. Анын кулундарынын эле баасы он миң доллардан жогору.

Жаңылыктар түрмөгү
0