Суук түшөрү менен эл кошумча жылыткычтарды иштетип баштайт. Башка мезгилдерге салыштырмалуу бул учурда өрт чыгуу коркунучу да күч алат. Бул тууралуу Элмира Шерипова Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, шаар тургундары болгон жылыткычтардын баарын токко сая бербеши керек.
"Кардын жаашы менен электр зымдары тоңуп, үзүлүп кетиши мүмкүн. Бул жаатта тиешелүү органдар иш алып барат, бирок өзгөчө кырдаалды алдын алуу максатында биз элге кайрылгыбыз келет. Аба ырайы суук боло баштаганда кошумча жылыткычтарды шаар тургундары иштете баштайт. Электр тогун үнөмдүү пайдаланууга чакырабыз. Бул өрттүн алдын алат", — деди Шерипова.
Буга чейин ал кышкы унаа дөңгөлөктөр кырсыктын алдын алууга карай биринчи кадам болуп саналарын айтып берген.
