ОШ, 13-ноя. – Sputnik. Ош шаардык милициясынын Сулайман-Тоо бѳлүмүнүн кызматкерлери эки унааны уурдоого шектелген 15 жаштагы Д.М. аттуу өспүрүмдү колго түшүрдү. Бул тууралуу шаардык милициянын маалымат кызматынан кабарлашты.
Билдирмеге караганда, Ош шаарынын 33 жаштагы тургуну Daewoo Tiko үлгүсүндөгү унаасын базардан уурдатып жибергенин айтып арыз жазган.
Иликтѳѳ иштеринин натыйжасында эки унааны уурдаган деген шек менен 15 жаштагы өспүрүм кармалды. Ал өз көрсөтмөсүндө автолорду башка ачкыч менен ачып, эки унааны тең бир түндө такси катары айдап жүргөнүн айтып берген. Андан соң машиналарды шаардан сырт ээн талаага таштап салган.
Шектүү укук коргоочуларга эки унааны тең көрсөтүп берди. Учурда башка бирөөнүн кыймылдуу мүлкүн ээлеп алуу боюнча кылмыш иши козголуп, шектүүнүн баш коргоо чарасы каралууда.
