БИШКЕК, 13-ноя. — Sputnik. Америкада жыл сайын өткөрүлчү People's Choice Awards сыйлыгынын версиясы боюнча Marvel студиясынын "Мстители: Война бесконечности" тасмасы 2018-жылдын эң мыкты киносу деп табылды. Бул тууралуу ENews порталы жазды.
Сыйлык тапшыруу аземи 12-ноябрда АКШнын Калифорния штатындагы Санта-Моника шаарында болгон.
Кино көрүүчүлөрдүн добуш берүүсүнүн жыйынтыгы менен төмөнкү тасмалар мыкты аталды:
Мыкты тасма болуп Marvel студиясынын тасмасы аталды.
Мыкты драма — Жеймс Фоулинин "Пятьдесят оттенков свободы" тасмасы;
Мыкты комедия — Сузанна Фогелдин "Шпион, который меня кинул" тасмасы;
Мындан сырткары, көрүүчүлөрдүн добуш берүүсү менен мыкты актер, актриса дагы аныкталган. Эркектер арасында "Черная пантера" тасмасында роль жараткан Чедвик Боузман жеңүүчү аталды. Ал эми "Мстители: Война бесконечности" киносундагы Скарлетт Йоханссон эң мыкты актриса деп таанылды.
People's Choice Awards — көрүүчүлөрдүн добуш берүүсү менен поп-маданияттын өкүлдөрүнө сыйлык тапшырылат. Сыйлык 1975-жылдан бери берилип келет. 2005-жылга чейин жеңүүчүлөр социалдык сурамжылоонун негизинде аныкталып келген. Кийин интернет аркылуу добуш берүү уюштурулган.
