БИШКЕК, 6-ноя. — Sputnik. Өзбекстанда таштандылардан бөлүп алган газдан электр энергиясын иштеп чыгаруу боюнча долбоорду Sejin G&E деп аталган түштүк кореялык компания ишке ашыра баштады. Бул тууралуу министрлер кабинетине шилтеме берип Sputnik Өзбекстан жазды.
7 Тогуздун айы 2018, 08:34
Электр энергиясын иштеп чыгаруу үчүн Ташкент облусундагы "Ахангаран" жана "Майдонтол" полигондорундагы таштандыдан алынган газ колдонулат.
Долбоордун негизги максаты — Ташкент облусунун экологиялык абалын жана тургундардын жашоо сапатын жакшыртуу.
Sejin G&E компаниясы бул аймакта 100 пайыз чет элдик капитал менен ишкана ачып, 2018-2020-жылдары 55 миллион доллар инвестиция тартууну пландап жатат.
Эки полигондо бардыгы болуп жалпы кубаттуулугу 16 МВттык 12 генератор орнотулган.
