БИШКЕК, 27-окт. — Sputnik. Бүгүн грек-рим күрөшүнүн балбандары Бексултан Махмудов менен Кайрат Түгөлбаев дүйнө чемпионатында күчүн сынайт.
19 Тогуздун айы 2017, 14:33
Мелдеш ушул тапта Венгриянын Будапешт шаарында өтүп жатат. Күрөш түрлөрү боюнча дүйнө чемпионаты 20-октябрда башталган, эми 28де аяктайт.
Махмудов килемде 97 килограммдагылар арасында күч сынашса, Түгөлбаев 77 килограммда кармашат.
Буга чейин грек-рим күрөшү боюнча командадан Жоламан Шаршенбеков (55 кг), Калы Сулайманов (60 кг), Урмат Аматов (63 кг), Амантур Исмаилов (67 кг), Атабек Азисбеков (67 кг) күчүн сынаган.
Ал эми кыз-келиндер арасындагы күрөш менен эркин күрөш боюнча курама команда мелдештин алгачкы күндөрүндө эле чыгып, бир да медалга илине алган жок.
