БИШКЕК, 11-окт. — Sputnik. Бүгүн, 11-октябрда эл аралык кыздар күнүнө карата Бишкекте бир нече иш-чара өтөт. Бул тууралуу Sputnik Кыргызстан агенттигине "Балдарды коргоо борбору" фондусунан билдиришти.
Экинчи иш-чара "Бишкек Парк" соода борборунда өтөт. Анда "Тирүү айкелдердин үнсүз театры" көргөзмөсү болот. Мында келген балдар зордук-зомбулукка кабылган кыздардын жашоосу тууралуу сахналаштырылган сценкаларды көрө алат.
"БУУнун аялдар түзүмүнүн маалыматына ылайык, Кыргызстандагы 15-49 жаштар арасындагы бардык аялдардын 23 пайызы зордук-зомбулукка кабылат. Алардын көбү мигранттардын кыздары", — деп айтылат маалыматта.
2011-жылы 11-октябрда Бириккен Улуттар Уюмунун генералдык ассамблеясы тарабынан кыздардын укуктарын коргоо максатында Эл аралык кыздардын күнү катары жарыяланган.
