БИШКЕК, 18-сен. — Sputnik. Ысык-Көлдүн Каракол шаарынын "Ак-Тилек" базарында чыккан өрт чектөөгө алынды. Бул тууралуу ӨКМ маалымат кызматы билдирди.
Өрт тууралуу маалымат ӨКМге кечки саат 22:35те келип түшүп, өрт өчүрүүчүлөр аны эки сааттан кийин чектөөгө алышкан. Жалынды өчүрүүгө жалпы төрт бөлүм тартылган.
"Тилсиз жоодон жабыркаган адам жок. Бирок материалдык чыгымга учурагандар бар. Өрт өчүрүүчүлөр маалымат келип түшөөрү менен ал жерге барып,түнкү саат 12ден өтүп чектөөгө алган. Учурда кырсык болгон жерге чогулган эл чекесинен тарай баштады", — деди ӨКМдин өкүлдөрү.
Азырынча өрттүн келип чыгуу себептери маалым боло элек. Ишкерлер канча чыгымга учураганы азырынча такталып жатат.
