БИШКЕК, 15-сен. — Sputnik. Канадалык белгилүү ырчы Жастин Бибер америкалык модель Хейли Болдуинге үйлөндү. Бул туурасында People жаңылыктар порталы жазып чыкты.
Түгөйлөрдүн жакындары кечээ, 14-сентябрда, эки жаш Нью-Йорктогу сотто нике каттоосунан өткөнүн айткан.
Alec Baldwin talks Justin Bieber and Hailey Baldwin's marriage plans https://t.co/kZSjgXaLW5 pic.twitter.com/0iu6rMKTJd
— billboard (@billboard) 11 сентября 2018 г.
Социалдык тармактарда 21 жаштагы Бибер менен 24 жаштагы Болдуиндин кол кармашып чиркөөгө кирип бараткан сүрөтү тарады. Күбөлөр экөө тең жаркын маанайда экенин, ырчынын толкунданып турганын белгилешкен.
Justin Bieber and Hailey Baldwin Go to Marriage License Courthouse https://t.co/mQBpGPs2on #tmz #news #celebrity pic.twitter.com/82v8cGuGXZ
— Brandon Thompson (@brandonpromo) 14 сентября 2018 г.
Маалыматка караганда алар туугандары жана достору үчүн үлпөт тоюн кийинчерээк өткөрүшөт.
Хейли Болдуин — Голливуд актеру Стивен Болдуиндин кичүү кызы жана кино жылдызы Алек Болдуиндин тууганы. Ал Бибер менен 2015-2016 жылдары ынак мамиледе жүрүп, бирок жаштар кайра эки ажырым жолго түшүшкөн. Анткен менен эки ай мурда Жастин ырчы Селена Гоместен кол үзгөндөн кийин жаштардын мамилеси кайрадан жанданган.
Ал эми 7-июль күнү Бибер Багам аралында эс алуу учурунда сүйүктүүсүнүн колун сураганы белгилүү болду.
