Матраимов кызматына отурабы? Өкмөт соттун аны актаган чечимине даттана элек

Жазылуу
Эгер өкмөт жогорку инстанцияга даттанбаса Райым Матраимов туура 10 күндөн кийин мурдагы кызматына барып отуруп калат.

БИШКЕК, 15-авг. — Sputnik. Бажы кызматынын башчысынын мурдагы орун басары Райым Матраимовдун доосун канааттандырган соттун чечими өкмөткө жетип, каралып жатат. Бул тууралуу Sputnik Кыргызстан агенттигине өкмөттүн Соттук өкүлчүлүк борборунун директорунун орун басары Мирлан Дордоев маалымадады.

Белгилей кетсек, 25-июлда Биринчи Май райондук соту Матраимовдун кызматтан мыйзамсыз алынган деген доосун карап, аны канааттандырган болчу.

"Райондук соттун чечими бизге 6-августта келип түшкөн. Азыр бул боюнча иш алып барып жатабыз. 24-августка чейин шаардык сотко кайрылаар-кайралбасыбыз чечилет", — деди Дордоев.

Атамбаев не спал всю ночь, потому что сбылась его мечта о чистых выборах - Sputnik Кыргызстан
Бул өч алуу! Атамбаев Матраимов боюнча сот чечимине пикирин билдирди
Мыйзамга ылайык, эгер өкмөт соттун өкүмүнө нааразы болсо 30 күндүн ичинде шаардык сотко арыздана алат. Бул аралыкта кийинки инстанцияга кайрылуу түшпөсө Матраимов кайра кызматына отурат.

Эскерте кетсек, Райым Матраимов 2015-2017-жылдар аралыгында Мамлекеттик бажы кызматынын жетекчисинин орун басары болуп иштеген. Өткөн жылдын 23-ноябрында ошол кездеги премьер-министр Сапар Исаков "ишенимден чыкты" деген жүйө менен аны кызматтан алган. Кийин Исаков кызматтан кеткенден кийин Матраимов "негизсиз иштен алынганын" айтып, өкмөттү сотко берген. Ал соттон кайра мурунку кызматына турууну суранган болчу.

Жаңылыктар түрмөгү
0