Автоинспектордун кайрадан "капоттогу окуясы". Жалал-Абаддагы видео

Жазылуу
Автоинспектор рулдагы адамдын айдоочулук күбөлүгү жанында жок болгону үчүн токтоткон.

БИШКЕК, 7-авг. — Sputnik. Жалал-Абад облусунда айдоочу тоскон автоинспекторду капотко жаткырган тейде айдаганы туурасында Sputnik Кыргызстан маалымат агенттигине милициядан билдиришти.

Окуя Ленин көчөсүндө 4-августта болгон. Инспектор Toyota Aristo автоунаасынын айдоочусун жанында тиешелүү документтери жок болгону үчүн токтоткон. Ал айдоочулук күбөлүгүн үйүндө унутуп калганын айткан.

Рулдагы киши токтотконду тоготпой, алдында тосуп турган тейде айдаганда, автоинспектор капотко жыгылган.

Видеодо орган кызматкеринин формасына окшош кийинген аялдын айдоочуну калкалап, автоинспектор менен айтышып жана бирөөгө чалып жаткандыгын көрүүгө болот.

"Өздөрү жармашты, алдыңкы лобовоюн сандырып салды… Бул эме… ГАИ, жанагы майда-чүйдө балдар тейтеңдеп жатпайбы", — деп бирөөгө чалып жатканын угууга болот.

Гарнизонный развод-инструктаж столичной милиции на площади Ала-Тоо - Sputnik Кыргызстан
Кайгуул милициянын автоунаасын автоинспектор сүзүп алды. Сүрөт
Андан соң автоинспекторлорго келип, "Түртөм, ишиң болбосун! Бул менин бир тууган акам, ишиң болбосун. Түртөм, эмне кылып аласың", — деп жатканы видеого жазылып калган.

Акыры автоунаа айып короого токтотулган.

Айдоочу мыйзам бузгандыгы үчүн милиционерден кечирим сурап, күбөлүгүн алып келип, көрсөтүп, андан соң автоунаасын алып кеткен.

Жаңылыктар түрмөгү
0