Усупов: кесипкөй сумочулар бир тамактанганда 8-12 порциядан тамак жейт
Бир тамактанганда 8-12ден порция тамак жейбиз. Бул тууралуу Тилек Усупов Sputnik Кыргызстан радиосунун таңкы эфиринде маек куруп жатып билдирди.
Анын айтымында, сумочулар эртең менен жана кечинде — бир күндө эки жолу тамактанат.
"Профессионалдык категориядагы сумочулар тамактанганда 12-15, ал эми мен 8-12 порция тамак жейм. Акырын, шашпай Алмаз Эргешов (сумочу — ред.) экөөбүз бирге тамактанабыз. Буга биздин организм көнүп калган. Учурда салмагым 130 килограмм. Салмак кошуу максатында тамак-аштын өлчөмүн жогорулатууга туура келет", — деди Усупов.
Спортчу 12 жаштан баштап сумо күрөшү менен машыгып баштаса болорун айтты.
