БИШКЕК, 25-июл. — Sputnik. Бажы кызматынын жетекчисинин мурдагы орун басары Райым Матраимовдун жумуштан мыйзамсыз алынганы боюнча соттун өкүмү өкмөттүн аппаратына келип түшө элек. Бул туурасында өкмөттүн маалымат кызматынан билдиришти.
Бүгүн, 25-июлда Биринчи Май райондук соту Бажы кызматынын төрагасынын мурдагы орун басары Райым Матраимовду доосун канааттандырган.
"Соттун чечими өкмөттүн аппаратына келип түшө элек. Бизге келсе, материалдар менен таанышып чыккан соң кийинки кадамдар белгилүү болот", — деп билдиришти.
Эскерте кетсек, Райым Матраимов 2015-2017-жылдар аралыгында Мамлекеттик бажы кызматынын жетекчисинин орун басары болуп иштеген. Өткөн жылдын 23-ноябрында премьер-министр Сапар Исаков "ишенимден чыкты" деген жүйө менен аны кызматтан алган. Кийин Исаков кызматтан кеткенден кийин Матраимов "негизсиз иштен алынганын" айтып, өкмөттү сотко берген. Ал соттон кайра өзүнүн кызматына турууну сураган болчу.
