Зыярат Эсенбей: футбол - ынтымакты бекемдейт
Россияда өткөн футбол боюнча дүйнө чемпионат достукту жана ынтымакты даңазалады. Бул тууралуу Зыярат Эсенбей Sputnik Кыргызстан радиосунун таңкы эфиринде маек куруп жатып билдирди.
Анын айтымында, футбол ар өлкөнүн жарандарынын башын бириктирип, ынтымакты бекемдөөгө өбөлгө түзөт.
"Чемпионаттын алдында Англиянын ЖМКлары Россиядагы коопсуздук боюнча терс маалыматтарды кетирип турду. Бирок ага карабастан финалдык беттеш ынтымактын, достуктун жана адилеттүүлүктүн оюну болду. Негизи эле футболдук мелдештер ар түрдүү улуттардын башын бириктирип, өз ара мамилелерди чыңдайт", — деди спорт журналисти.
Зыярат Эсенбей спорт журналисттерин даярдаган мектеп жок болсо да, Кыргызстанда спорт каналдарды бар экендиги жетишкендик деп кошумчалады.
