ЦИНДАО, 7-июн. – Sputnik. Бүгүн, 9-июнь күнү, Кытайдын Циндао шаарында Кыргызстандын президенти Сооронбай Жээнбеков тежикстандык кесиптеши Эмомали Рахмон менен кезикти.
Жолугушуу ШКУ өлкөлөрүнүн жетекчилеринин саммитинин алкагында ишке ашты.
"Сиз Тажикстанга расмий сапар менен келип кеткенден тарта эки өлкөнүн ортосундагы мамилелер, аны менен катар соода-экономикалык тармагыбыз дагы жакшыра баштаганы байкалууда", — деди Рахмон.
Жээнбеков өз кезегинде тажик президенти менен жолугушуп, маанилүү маселелерди талкуулоого мүмкүнчүлүк пайда болгонуна ыраазы экенин белгиледи.
Мындан тышкары тараптар мамлекеттик чек араны делимитация жана демаркациялоо процессин эртелетүү зарылдыгын айтышты.
Чек ара тууралуу келерки сүйлөшүүлөр өкмөт башчылардын деңгээлинде Душанбе шаарында 20-июнда өткөрүлмөкчү.
