Кадрдан Жээнбеков учак ичиндеги жыйындар бөлмөсүндө тышкы иштер министри Эрлан Абдылдаев менен кандайдыр бир документтерди карап талкуулап жатканын көрүүгө болот. Андан тышкары, жанында дагы үч аткаминер отурат.
Сооронбай Жээнбековдун бүгүн, 9-июнда, Кытайга болгон мамлекеттик иш сапары аяктап, Шанхай Кызматташтык Уюмуна мүчө мамлекеттердин башчыларынын Кеңешинин кезектеги жыйынына катышуу үчүн Циндао шаарына барган.
Жыйында ШКУнун мындан аркы өнүгүүсүнө тиешеси бар бир катар чечимдерди талкуулап, кабыл алуу, саясий, экономикалык, маданий-гуманитардык чөйрөлөрдөгү, ошондой эле коопсуздук жана тышкы байланыш жаатындагы документтерди бекитүү мерчемделген.
